Vísnagerð

Sigga hafði gaman af að setja saman vísur, því miður náðum við ekki að halda þeim saman, hún var að skrifa þetta á allskonar blöð, en vildi ekki láta okkur hafa.

Mér tókst aðeins að halda nokkrum eftir, þe. þær sem  hún bað mig að prenta fyrir sig, það sem hún var að gefa öðrum.

 

Friður

Látum friðarblysin blika

berum smyrsl á þjóðarsál

áfram, áfram aldrei kvika

alltaf reynum þerra tár.

 

Búum öllum börnum jarðar

blíðlegt skjól og friðarreit

þá fyrst verður friður fenginn

og fagurt líf, það alþjóð veit.

 

 

Vor

 

Þegar blessuð lóan ljóðar

sitt ljúfa fagra dirrindí

vaknar allt af dvala og dróma

og dýrðleg ljómar sól á ný.

Þá brennur mér í brjósti gleði

er blítt mér ómar fuglakvak

ó, ástarfaðir yfir öllu

alla daga og nætur vak.

 

 

Haust

 

Nú sé ég hvergi, sumarskrautið bjarta

söngfuglamergð og blómaskrautið frítt

allt sem að fögnuð, færði mínu hjarta

frið, sem gerði skapið rótt og hlýtt.

En ég á alltaf aftur von á vori

með velli græna, blóm og fuglahjörð.

Fossa og læki, er falla frjálst úr spori

fagnandi syngja vor um alla jörð.

 

 

Vor í Vigur

 

Fegurð þinni fögnum vér

og fegurð þín er slík.

Að allir geta unað þér

eyjan heillarík

 

Hún fór í ferðir með kvenfélaginu og með eldri borgurum.

 

 

Til fararstjórans.

 

Sá sem annars götu greiðir

glaður fram á veginn sér

honum verður allt til auðnu

auðnan sú er gefin þér.

Gakk þú áfram brautu beina

blessun drjúpi í hvert þitt spor.

Þá mun alltaf heiðið hreina

heilla til þín sól og vor.

 

 

Húsmæðraorlof.

 

Vér orlofssystur saman syngjum

syngjum dátt með gleðibrag

svo bið ég guð að blessa ykkur

hann blessi ykkur nótt og dag.

 

Allar skulum saman syngja

sól og vor í hjörtum inn.

Senn er liðin sælu vika

og senn er loka dagurinn.

 

 

Sumarferð eldri borgara.

 

Ó, blíði faðir blessa oss þennan bjarta og fagra sumardag

blessun fylgi brosi hverju, og " Brautinni " verði allt í hag.

Þar sem að oss andar hlýju, ylur fer um hverja taug

við verðum aftur ung að nýju, og yljum oss við glens og spaug.

 

 

Skálavík.

 

Ýmsu hafði ég úr að velja

en ein var þrá í hug mér rík

að fá einn dag í fiði að dvelja

Í faðmi þínum - Skálavík.